Det skjedde i de dager, klaveruttog, PDF

Beskrivelse

Det skjedde i de dager er ein ny kammeropera basert på juleevangeliet. Musikken er komponert av Odd Johan Overøye. Skodespelar og forfattar Svein Tindberg – kjend for å ha gjort bibeltekstar til tidenes norske teatersuksess – har skrive eit manus med dybde, alvor, humor og varme. I det frodige persongalleriet møter vi karavaner i sandstorm og brennande sol, stjernetydarar under glødande nattehimlar, englekoret og gjetarane ute på markane, og ein maktsjuk herskar med heile sitt hoff. Framfor alt møter vi det unge paret, undrande med den nyfødde på armen. Eit drama som rommar alt – frå vondskap og klagerop til overjordisk glede.

Verket er tenkt som eit møtepunkt mellom amatør og profesjonell og kan settast opp både i teatersal og kyrkjerom. Med ein miks av større og mindre karakterroller samt korsatsar av ulik vanskegrad skulle stykket eigne seg godt for oppsetningar både ved distriktsoperaer, musikal -og operaskular og korskular i kyrkjeleg regi, eksempelvis. Her er det oppgåver både for barnekor og ungdomskor, gjerne i samsong med vaksne korsongarar. Med tanke på overvekta av jentestemmer i mange kor -og teatermiljø har mange av satsane SAB som standard, men det finst óg satsar med meir deling.

Dei største songrollene  er tiltenkt profesjonelle utøvarar. Det same gjeld orkesterstemmene som har høg vanskegrad.